Tengkorak Itik Tengkorak Ayam
Melly Amir

Tengkorak Itik Tengkorak Ayam
Dapek bini cantik tak tido malam

Tengkorak Itik Tengkorak Ayam
Dapek bini cantik tak tido malam

Belega-lega mencai bidao
Dapek seonggok udang di kualo
Wahai cik adik abang betanyo
Adik yang manih siapo yang punyo

Burung kedidi tobang di hari sonjo
Teunggik-unggik melopeh dahago
Apolah maksuik abang betanyo
Bilo adik bolum bepunyo

Bungo kenango pucuknyo tinggi
Baunyo wangi totap diingek
Janganlah adik mencubo hati
Mato tepandang hati tepikek

Tengkorak Itik Tengkorak Ayam
Dapek bini cantik tak tido malam

Tengkorak Itik Tengkorak Ayam
Dapek bini cantik tak tido malam

Umahnyo kocik susun paonyo limo
Tompek menyalai si ikan lah pari
Kalau cik adik belom bepunyo
Berapo hogo intan di jari

Umpunnyo lado ondah bungo sekaki
Manokan samo si umpun lah pinang
Kalau nak tanyo hogo intan di jari
Datang ke rumah masuk meminang

Bungo kenango pucuknyo tinggi
Baunyo wangi totap diingek
Sekian lamo abang mencari sayang
barulah kini adik kudapek

Kain pelakat di dalam poti sayang…
Dilipek elok besusun tigo
Kito bejumpo baru sekali abang…
Kalaulah jodoh indak kemano

Download mp3 lagu melayu
Beli yang asli untuk menghindari pembajakan

Sumber :
TAMADUN MELAYU